गजल

"बन्धुत्व"

बन्धुत्वको नाता यहाँ, भेटघाट भाको छैन
जीवन जगत टाढा, दिल टाढा गाको छैन

साथीत्वको साथ दियौ, सहयोग मेरो लागि
तिर्खा बनी तिमीलाई, भेट्न मैले धाको छैन

भातृत्वको गाथा भित्र, गोरेटो भो बेग्लाबेग्लै
संगसंगै ढाकाटोपी, ढल्काउँन पाको छैन

मातृत्वको भूमी माथि, जन्मदा नि छुट्टाछुट्टै
अदृष्‍यको दाजुभाइ, दृष्‍यभाव छाको छैन

प्रकाशत्व ब्रम्हाण्डमा, घुमिफिरी आईदेला
भेट होला मिर्मिरेमा, कहीं बार लाको छैन।