"गजल"

"शान्तिको बिगुल फुक्नु है ।"
.
सदा दिल खुशी राखी कर्ममा जुट्नु है
बुढापाका बृद्धाहरुको आशिष लिनु है
.
कुँदेको चट्टान अनी मुर्तिलाई भन्दा
देवता जस्ता आमा र बाबालाई पुज्नु है
.
लाखौं तारा मण्डलको एक आकाश जस्तै
जन्मभूमिको धर्तिमा वीर सपुत बन्नु है
.
चर्किन्छ धर्तिको माटो होइन्छ वारीपारी
हृदयदेखी भाइ-वन्धुत्वको जालो बुन्नु है
.
ढुंङ्गामाटो र हावापानी मुटु मिची रुन्छन
यि साह्रा सिंगो राष्ट्र जोड्न, मनमा गुन्नु है
.
लोभीपापी र हत्या हिंसाले ढाक्दैछ देश
गाउँ-गाउँबाट उठी शान्तिको बिगुल फुक्नु है ।
..